Вицепремиерот Изет Меџити упати честитка по повод 17 Февруари, денот кога Косово ја прославува својата независност. Тој изрази искрено почитување кон борбата и истрајноста на косовскиот народ кој со жртва и решителност избори слобода и суверенитет.
„Драго мое Косово,со најдлабоко почитување ја одбележуваме оваа значајна годишнина! Овој ден е исполнет со спомени за сите што го дадоа својот придонес,за храброста и непоколебливоста на народот кој никогаш не се откажа од својот сон за слободна и независна татковина. Нека ни е честит и среќен овој значаен ден, со љубов кон нашите браќа и сестри, без разлика каде се наоѓаат!“ – порача Меџити.
Тој нагласи дека Косово е симбол на отпорност и стремеж за подобра иднина, истовремено повикувајќи на единство и заеднички напредок на Албанците низ целиот регион.
