Ракометот отсекогаш бил перципиран како динамичен, брз и забавен спорт, а неговите правила на континуирана основа се развиваат со текот на времето.
Светската ракометна федерација најави четири нови правила, како и измени на веќе постоечките регулативи. Оваа година, од 1 јули 2025, ќе стапат на сила неколку новини наменети за подобрување на ракометот за сите вклучени – тренери, играчи, а особено навивачите.
„ИХФ постојано комуницира со главните засегнати страни за ревизија на правилата. Со напредувањето на тимовите на различни нивоа, правилата треба да се прилагодат на новото темпо на еволуција на овој спорт“, велат од светската куќа на ракометот.
🟥 Удар во глава при пенал – сега не подразбира автоматски црвен картон
Една од најзначајните измени, која ќе стапи на сила во јули 2025, се однесува на примената на црвени картон во случаи кога играч погодува голман во глава за време на изведување на седмерец или слободен удар.
Со новите правила, казната за таквите случаи ќе биде исклучување од две минути во следниве ситуации:
– Кога играчот во отворена ситуација го погодува голманот во глава
– Кога играчот го погодува голманот од седмерец, ако тој не ја движи главата кон топката
– Кога при слободен удар по крајот на натпреварот, стрелецот го погодува одбранбениот играч во глава, ако тој не се движи кон топката
👉 Овие новини се воведуваат за да се обезбеди равноправна санкција за сите удари во глава, бидејќи иако интензитетот може да варира, ризикот од повреда останува присутен.
🔁 Изменето правило за почетен удар
Досега судиите можеле да сигнализираат за почеток на играта само ако топката и барем едното стапало на играчот се наоѓалe во централниот круг. Со новото правило:
„Судиите ќе сигнализираат за изведување на почетниот удар само ако топката и изведувачот се целосно внатре во кругот за изведување.“
👉 Оваа промена е направена за да се избегнат конфузни ситуации каде што судијата свири за изведување, но потоа мора да досуди слободен удар поради неправилна позиција.
👟 Појасна дефиниција за правилото за чекори
Измената на правилото за чекори воведува поточна дефиниција:
„Играчи можат да направат најмногу три чекори по примањето на топката од соиграч или по одскок. Ако играчот ја фати топката во воздух, првото стапнување на едната или двете нозе не се брои како чекор.“
👉 Оваа промена е направена за да се минимизираат различните толкувања и да се поедностави правилото за сите учесници.
🚫 Топка надвор од терен = слободен удар
„Не е дозволено играчот да ја допре топката ако дел од неговото тело е надвор од теренот. Тоа ќе резултира со слободен удар за противничкиот тим.“
👉 Оваа новина ја елиминира можноста за различни толкувања во ситуации на контакт со топката во гранични услови.
Овие правила веќе беа применети на Светското првенство за младинци во Полска, и покрај тоа што настанот се одржа пред рокот за промена, истите ќе бидат применети на следните големи натпревари во младинските категории ова лето.
Македонија ќе учествува на ЕМОФ 2025 со машката и женската репрезентација, додека кадетките и младинките ги очекува настап на Европските првенства во Црна Гора.
