Апел за Органодарителство од Д-р Огнен Ивановски
Д-р Огнен Ивановски, хирург-уролог на Универзитетската клиника за урологија и научен советник на Медицинскиот факултет во Скопје, упати важен апел за подигнување на свеста за значењето на органодарителството. Неговото видео-обраќање е дел од националната кампања, која се одвива под мотото „Органодарителството ѝ дава највисока смисла на човечноста!“.
“Сакам да се обратам до целата македонска јавност и да ги охрабрам сите нас да размислиме за овие важни одлуки во критични моменти. Дарувањето органи може да значи нова шанса за живот за многу луѓе,” истакна д-р Ивановски.
Во време кога се соочуваме со загуби, важно е да се донесе одлука која ќе помогне во продолжувањето на нечиј живот. Секој од нас може да биде извор на надеж и спас за оние во потреба.
