Боречките мечеви „Борење за мир“ во Будимпешта
Министерот за надворешни работи на Унгарија, Петер Сијарто, изрази надеж дека боречките мечеви под наслов „Борење за мир“, кои ќе се одржат денес во Будимпешта, ќе помогнат во подобрувањето на односите помеѓу САД и Русија.
Тој направи паралела со американско-кинеската „пинг-понг“ дипломатија од 1970-тите години, која значително ја подобрила комуникацијата меѓу тие две држави, пренесува МТИ.
Мечевите во слободен стил, организирани од Професионалната лига за борење, ќе се одржат во десет категории во Унгарската боречка академија „Козма Иштван“.
Сијарто дополнително истакна дека на настанот ќе присуствуваат Михаил Мамијашвили, претседател на Руската федерација за борење, како и Рич Бендер, извршен директор на „USA Wrestling“.
