Речиси 200 метри висок, водопадот Брајдалвељ во Националниот парк Јосемити во САД го одзема здивот. Она што го прави овој водопад уште повеќе фасцинантен е тоа што претставува „дом“ на виножитото.
Неверојатниот феномен е мешавина на водено испарување и светлина, а трае само неколку минути во текот на залезот на сонцето зад планината. Водопадот е прочуен по маглата која настанува од него, во моментот кога ќе задува ветар.
Индијанците го нарекувале Похоно, што значи „дух на ветерот кој дува“. Чувајќи го влезот во долината, племето Ахваничи верувало дека водопадот е осветлен од духови, а оние кои ја напуштале долината ќе бидат прококлнати доколку се свртат назад.
Исто така, велат и дека вдишувањето на маглата од водопадот носи среќа на сите кои сакаат да се венчаваат.
