Пристигна сезоната на јагоди, и време е добро да го искористиме ова слатко овошје. Токму затоа ви прикажуваме еден едноставен рецепт за највкусното смути составено од само 76 калории, и е богато со природни овошни шеќери кои нема да и наштетат на вашата линија. 
Состојки:
– 100 мл обичен немасен јогурт
– 100 мл бадемово или кокосово млеко
– чаша полна јагоди
Подготовка:
Сите работи ставете ги во блендер или апарат за смути, и добро измешајте. Можете да додадете неколку коцки мраз или пак замрзнато овошје пред да започнете со мешањето.
Совет:
Јагодите можат да бидат заменети и со боровинки, малини или слично слатко овошје, во зависност од вашиот вкус и состојките кои ви се наоѓаат во домот.
Тие кои не се грижат за калориите, можат да додадат и две лажици сладолед од ванила за ултимативно задоволство.
