Утринава се случи и она што со нетрпение го чекавме изминативе две седмици – помрачувањето на сонцето.
Истото започна во 9:33 часот, а зависно од локацијата беа скриени од 30 до 98 проценти од сончевата светлина.
Се смета дека после помрачувањето од 1999 година, ова беше подолго за две минути и 23 секунди.
Сепак, на некои делови од планетата се случи целосно, на други делумно затемнување, а за жал ние како и цела Европа бевме во втората категорија.
Затемнувањето во Скопје почна во 9.37.56 часот, максимумот беше во 10.45.10 часот. Затемнувањето заврши во 11.56.34 ч., односно вкупно траеше околу 2 часа и 20 минути од почетокот на прекривањето на дискот од Сонцето од страна на Месечината, па сѐ до последниот нејзин контакт со дискот на Сонцето.
Погледнете како изгледаше атмосферата во Скопје, низ објективот на „Нова Македонија“
Овој феномен беше најмногу видлив во појасот околу Гренланд и Исланд во северниот дел на Атлантски Океан.
Погледнете дел од фотографиите од најголемото шоу на планетата!
За наредното помрачување ќе мора да чекаме три години, до 2018 година. Сепак, дури во 2026 пак ќе имаме олку длабоко затемнување на Сонцето. Од аспект на сјајот, пак, слична ваква појава нема се случи сè до 2090 година.
