Kросоверот на Bentley со намалена камуфлажа

СПОДЕЛЕТЕ

Првиот кросовер на Bentley продолжува со напорната тест програма, овој пат испитувањата се одвиваат во зимски услови. Прототипот на автомобилот беше снимен од неколку шпиунски фотографи, а од она што може да се види остава впечаток дека машината е речиси без камуфлажа.

Очекувањата се луксузниот кросовер да се појави на пазарот во 2016 година и првично Bentley Bentayga ќе биде опремен со бензински W12 мотор, а во подоцнежна фаза ќе се појават уште две верзии – една со дизел V8 и една со хибриден агрегат.

Познато е дека кросоверот на Британците ќе користи платформата на Audi Q7, Volkswagen Touareg и Porsche Cayenne, но суштински ќе се разликува од овие три модели. Според креаторите на Bentayga тој ќе биде еден од најбрзите модели во сегментот, а ќе може да развива максимална брзина од 320 km/h.

Од Bentley веќе објавија дека добиле повеќе од 4.000 нарачки за возилото. Со неговото излегување на пазарот компанијата ќе се обиде да ја постигне својата цел – во 2020 година да продава по 20.000 автомобили годишно. Минатата година компанијата забележа 11.020 продажби, што е за 9% повеќе од 2013 година.

- Реклама -