Каде е крајот на Кинескиот ѕид?

Кинескиот ѕид претставува најголема туристичка атракција во Кина и една најпознатите градби во светот. Ова е воедно и еден од најстарите, и секако, најдолгиот објект изграден од човекот.

Оваа масивна структура која се протега во должина од преку 6.400 километри, постојано плени со нејзината визуелна илузија за „бескрајност“. Но, малкумина знаат како всушност изгледа нејзиниот крај.

На околу 300 километри од Пекинг се наоѓа Бохаи морето, а во местото Лаолонгтоу, Кинескиот ѕид се „влева“ во морето. Местото е познато и како Главата на стариот змај, бидејќи потсетува на змај кој пие вода.