Затворот во централен Израел, неве Тирза стана модна писта, бидејќи во него беше одржана модна ревија на која што сите креации беа претставени од затвореничките на установата.
Тоа е дел од програмата за рехабилитација и поддржува вештини кои што затвореничките можат да ги искористат од друагата страна на решетките, кога ќе излезат на слобода.
„Намерата е на затвореничките да им се пружи можност за создавање на нешто ново, со цел да се пронајдат во општеството“, вели управникот на израелската школа за дизајн 6Б Иванив Шварц.
Затворениците работеле заедно со студенти од студиото, а креирале колекција инспирирана од британската восјка и индијските верски симболи. Облеката ја украсувале со цвеќиња, животински принт и геометриски облици, а учеле и како да шминкаат, да прават фризури.
Моделите парадирале на црвениот килим пред бодликавата жица и зад големите ѕидини.
„ Сакаме нивното време во затвор да биде конструктивно, со цел по излегувањето да имаат избор и можност да се занимаваат со нешто корисно“, вели портпаролката на затворот Никол Енгландер.
Таа додава дека има затворенички што студирале дизајн на облека, а во затворот продолжиле со своето школување.
