Денешната стрит стил инспирација сигурно ќе изненади повеќето од вас, бидејќи не е „типичен” дневен изглед, но за сметка на тоа е уникатен, женствен и не можевме да не го споделиме. Облеката од тул е истовремено екстравагантна, но и женствено решение за вашата гардероба. Би имале ли храброст да облечете црвен фустан од тул за на дневно кафе?
Најновата визија на модната блогерка Cara McLeay ни остави голем впечаток, бидејќи е доста разиграна, елегантна и храбра.
Таа носи чанта во комбинација со црна кожна јакна на Gypsy and the Spell Collective и одлични црвени сандали на висока потпетица и со тенки ленти околу глуждот на Lulu * s. Чантата е на Proenza Schouler и ја дополнува целокупната рок-шик визија на Cara.
Нејзината руса коса како контраст со црвеното и црното ги баласира совршено невиниот изглед и бунтовноста. Со задоволство би ја оцениле нејзината храброст и визија со 10 од 10 можни поени, колку и давате вие?
