Холандскиот патник, Кор Пан, кој заедно со својата сопруга патувал во малезискиот авион МХ 17 пред самото поаѓање во четвртокот објавил фотографија од леталото над која напишал: „во случај да исчезне, еве како изгледа“.
Иако е очигледно дека станувало збор само за шеговита порака (алудирајќи на претходното мистериозно исчезнување на малезиски авион), сепак, оваа фотографија започнала брзо да се шири низ Фејсбук мрежата.
Профилот на Пан за кратко време бил исполнет со пораки во кои било искажано жалење, по што подоцна е направена и негова фан-страница. Многу од корисниците ја карактеризираат случајната шега како „необична и морбидна“.
Во соборувањето на малезискиот авион во Украина погинале 295 луѓе. Иако Украинците ги обвинуваат руските сепаратисти за оваа трагедија, тие демантираат вмешаност во инцидентот.
