Импресум

365.com.mk

Вторник, Април 14 2009 |14:39

Уредник: АНДРЕЈ ШЕВЧЕНКО

Апсолутно е потребно да ја разберете суштината на овој текст. Тој е наменет за да го пополни просторот десно од фотографијата, со цел оваа страница да изгледа богато и да им се допадне на сите што ќе дојдат да ја прочитаат.

Тука можам да напишам многу работи за мене како: колку години имам, каде сум роден, кое е моето хоби, каде излегувам, со кого се дружам, што сум во хороскоп... но нема.

Kога ќе размислам повеќе, Вие многу добро ме знаете. И јас ве познавам Вас.

Она што нè поврзува се сличните интереси за технологија, музика, видеа, хумор и забава, а тоа е суштината на оваа веб-страница. Да не бевте вие и вашите интереси таа денес немаше да постои, па затоа ви препишувам голем удел во нејзиното работење.

За крај, би сакал да ви се заблагодарам за трпението и искрено се надевам дека ќе продолжите да се интересирате за 365.com.mk и во иднина, како што тоа го правевте досега. Поздрав!

п.с. Да, ова е моето вистинско име, немам роднински врски со фудбалерот од Украина и НЕ - нема да ви испратам скенирана копија од пасош или лична карта по e-mail.

***** АВТОРИ *****

ДЕЈАН ВЕЛКОСКИ (статии)

Роден: далечната ’83. Живее во Волково.
Преокупиран е со: Музика, даунлодирање серии, штракање по тастатура, пак музика, Арсенал, daydreaming, бројот 4, кучето Мила и најпосле - музика.
Хоби и сл.: Планинарење, возење точак, трчање, пишување 4 точки наместо 3 и сè останато што ги нервира нормалните луѓе....

ДУШКО ЗАФИРОВСКИ (статии)

Генерацијата '85. Живее во северниот дел на Скопје. Ведар, позитивен, знае вицови. Заинтересиран за дизајн и цртање. Голем фан на LOST(посакува да е дел од Островот). Обожавател на добра музика. Ноќна птица. Филмоман, стрипоман и сурфер(сега за сега само на нет:). Никогаш неуморен - освен кога е уморен!

МАРТИН МАРКОВСКИ (статии)

Професионален ИТ зависник, секогаш ги одложува обврските и чека до последниот краен рок (општо познато како 5 до 12), поддржувач и корисник на Слободен софтвер, често несериозен и неорганизиран, хумористичен на специфично неразбран начин и вечно ненаспан. Во последно време навлечен на Twitter и Last.Fm...

***** ГРАФИЧКИ И ВЕБ ДИЗАЈН *****

Blue Media Group е компанија специјализирана за модерен печатен и веб дизајн, дизајн на логоа, корпорациски идентитет и онлајн маркетинг.

Ние сме обединет тим од креативни дизајнери, програмери, веб консултанти, копирајтери и маркетинг експерти кои знаат како да дојдат до резултати.

Стратегиско размислување, топ дизајнери, лично внимание, конкурентни цени, вистински резултати - откријте ја Blue разликата.

***** ТЕХНИЧКА ПОДДРШКА *****

Доколку почувствувате проблеми при вчитувањето на сајтот или некакви технички неправилности ве молиме јавете се на 24-часовната поддршка во Неотел на телефонскиот број 02/5511-111 или на е-пошта Оваа е-пошта е заштитена од spambots, треба да вклучите JavaScript за да ја видите .