Можеби на прв поглед изгледаат детски, но овие минималистички постери имаат длабока смисла. Направени се како дел од кампања за борба против ракот, а дизајнирани се од Бајрон Галан.
На постерите се прикажани илустрации, на пример дека некои мислат дека најлошото нешто што може да им се случи е ако колачето не им го собира во чашата со млеко, а на истите стои пораката „Знаете што е полошо од ова? Ракот“.
Бајрон Галан неодамна дознал дека неговата мајка има рак на матката во многу напредна фаза. Така тој станал дел од Indiegogo’s Campaign за да собере пари за да и го плати третманот. За негова промоција тој ги создал овие паметни и на некој начин интересни постери за да ја зголеми свеста за болеста кај младите луѓе на социјалните мрежи. Тој преку донации има намера да собере 10 000 долари.
