Загадувањето на воздухот долго време беше реалност во шпанските
градови, но научниците велат дека освен смог кој ги гуши луѓето, тие
вдишуваат и други супстанции.
Загадувањето на воздухот долго време беше реалност во шпанските градови, но научниците велат дека освен смог кој ги гуши луѓето, тие вдишуваат и други супстанции.
Ново истражување откри дека воздухот во Мадрид и Барселона содржи најмалку пет дроги, меѓу кои најчест е кокаинот. Во воздухот покрај кокаин биле пронајдени и траги од амфетамини, опијати, кабабиноиди и LSD.
Сепак, не постои причина за паника.
„И да живееме 1000 години нема да конзумираме еквивалент на доза кокаин со дишењето на овој воздух“ – вели еден од научниците во истражувањето.
Се сомнева дека можеби истражувањата биле „загадени“ затоа што тестирањето во Мадрид било направено до напуштена зграда за која се претпоставува дека е место на дилери, додека во Барселона истражувањето било направено близу универзитетите. Научниците тврдат дека овој резултат не го претставува квалитетот на воздухот во двата града.
Групата научници кажа и дека поголеми концентрации на дрога биле забележани за викендите, што укажува на поголема употреба во овој период.
