Носеше ли обезбедувањето на Трамп лажни вештачки раце?

СПОДЕЛЕТЕ

Имаше нешто чудно во снимката од инаугурацијата на Доналд Трамп, и многу ситничари тоа го забележаа. Рацете на неговиот телохранител.

Исечокот од видеото почна да кружи по социјалните мрежи, а нетизените („жителите на интернет“) дојдоа до заклучок – телохранителот носи лажни раце-протези, а со вистинските го чува оружјето на готовс под капутот.

Онлајн се јавија и наводно воени и полициски експерти, кои ја потврдија тезата, па дури и шпекулираа за типот на оружје што го носел телохранителот. Најмногу типуваа на белгиски FN-P90.

Да беа во право, ќе беше супер, не зашто е голема работа телохранител да носи оружје, туку затоа што ете, не очекувавме од најдобрите тајни служби да се служат со такви фори.

Ама брзо се покажа дека кај што има чад не мора да има ни оган, иако приказната продолжува да кружи и ја пренесуваат сите светски и наши медиуми. Имено, малку подоцна, се случи ова:

Се гледа дека телохранителот ја променува позицијата на рацете, што нé води до фактот дека едноставно само бил добар во седење мирен. Што баш е и најмалку што може да се очекува од телохранител што стигнал да го обезбедува претседателот кому половина и повеќе Америка му мисли само најлошо.

- Реклама -