Спанаќот е печатна грешка

Има две главни причини зошто твоите те присилувале да јадеш спанаќ во детството:

1. Погрешно го сконтале Попај
2. Научниците што ги истражувале „здравите“ својства на спанаќот направиле глупа грешка

Имено, според германските научници, спанаќот и не е така богат со железо како што досега се веруваше.

„Тоа е една од најпознатите нутриционистички грешки“, вели Хелга Струбе од Германскиот Сојуз на нутриционисти, „а плод е на обична печатна грешка од 19-от век“.

Имено, Германциве тврдат дека кој и да бил задолжен за евиденција на податоците од тоа фамозно поранешно истражување околу спанаќот, погрешно евидентирал дека на секои 100 грама спанаќ – има од 35 до 40 милиграми железо. Според Струбе, реалноста е дека има од 3.5 до 4 милиграми, т.е. 10 пати помалку. А тоа не е ни приближно доволно за Попај да има такви мускули. Згора на тоа, организмот не може да го искористи железото во спанаќот така лесно како што може железото од месото.

* * *

За спанаќот разјаснивме, сега да видиме што е со Попај. Ако мускулите не му се од спанаќ, тогаш што е тоа што го јаде од конзервата? Спанаќ очигледно не е, зашто нема таква будала што би јадела кофи спанаќ без причина, зар не?

Најдобриот одговор веројатно го има Tonyo San. Песнава е прастара, ама сега стиховите добиваат уште повеќе на релевантност. Идат вака:

„Го знаеш ли виновникот што децата го јадат спанаќот
дури и јас, тоа е Попај морнарот
Пред некој ден, зборував со авторот и по муабетот
дојдов до заклучок за тајната на цртанот
Има конзерва со налепница на која пишува
со најголеми букви СПАНАЌ на латиница
Внатре што има, а не е спанаќ ајде погаѓај
прати ќе ти објаснам, ќе сфатиш боја зелена, во туфчиња
Зошто кога Дибек доаѓа го прави лом
си оди стрејт под раката на Олива
Попај увек корпа попива, но гајле му е
вади конзерва со спанаќ и ја јаде преку луле,
не ме зезај!
Нели читаш меѓу редови
Дибек никогаш не изгубил, тоа се само филмови
во главата на Попај од тоа во конзервата
што си го внесува преку лулето во плуќата.
Кажи колку добра финта крие цртанот
дури и јас си мислев може да се јаде преку лулето
Луле е за пушење откако знаеш
сега сети се на ова Попај морнарот ако го гледаш…“