Ода за кокошките

Ден Банино сака луѓето да размислат двапати пред да купат пилешко во локалните маркети. Смета дека тоа ќе го постигне преку „трансформација“ на кокошките во поп икони од ’80-тите и преку гламурозни фотки од истите.

Како и многу идеи на денешницата, Банино ја добил неговата од интернет, кога прочитал за еден необичен вид на кокошки наречен „Падуанска кокошка“. Ова е древен вид (се смета дека потекнуваат од Италија) кој се карактеризира со особено изразени пердуви на главата, кои прават кокошките да наликуваат на судии од 18-от век.

„Се заљубив во нив“, вели Банино, чија цел со проектот е на забавен начин, не да ги осуди тие што јадат месо, туку да нé потсети дека исхраната е толку индустријализирана, што веќе не ги гледаме животните во нивните природни форми, во кои дури и кокошките се убави и имаат некакво достоинство.