Во фото-серијата на Руперт Вандервел – Geometrix, Лондон е безмилосно прикажан во црно и бело. Фотографот ја истражува урбаната позадина и човековата форма, користејќи го градот како серија од графички форми. Вели дека неговиот процес е „естетска реакција на живеењето во градот и неговите урбани простори“.
Карактерите т.е. фигурите што поминуваат на улиците на Вандервел се анонимни и еднолични, со недескриптивна облека, а со лица „замачкани“ од сенките инедостапни за набљудувачот. Личностите се неважни: наместо тоа, фигурите едноставно алудираат на човечко присуство во големиот и имперсонален Лондон.
„Фотографијата е нешто што можам да го правам за да создадам ред од хаосот на секојдневниот живот. Сакам да го покажам тоа што сметам дека е вредно за гледање и да ги скријам другите нешта во сенките“.
