Коњак и водка за пеевче на вторите Македонски алтернативни награди

Драги алтернативци, остануваат уште неколку часа до утрешните втори Македонски Алтернативни Награди (М.А.Н) во организација на Бла Бла ТВ.

Почнуваат на пладне, а награди ќе се доделуваат во повеќе категории: најдобра алтернативна песна, алтернативен спот, албум, концерт, алтернативни млади артисти и бендови, алтернативен евергрин, влијание, најдобар графит артист, промотор на македонската алтернативна музика надвор од Македонија, турнеја надвор од Македонија, најдобар алтернативен фестивал и најдобар музички филм.

Игор Џамбазов ќе добие специјална награда за особен придонес и развој на македонската алтернативна сцена, а и ќе настапува со својот бенд, во живо.

Од Бла Бла ТВ ве повикуваат да се вооружате со позитивна енергија и утре сите во парк да се појавите на дружба со нашите херои од алтернативната музика и со новите алтернативни надежи, на по дветричетири пива, на сонце, на добри вибрации и на квалитетна музика.

Списокот на бендови и музичари кои ќе настапуваат е огромен: String Forces, Сашко Гигов Гиш, Игор Џамбазов, Bernays Propaganda, Гуру Харе, Авторизација, Зад Аголот, Титаниум, Љубојна, DJ Гоце (САФ), Петар Ренџов, Архангел, Чоканче, Синтезис, Леб и сол, Кросроуд Блуз Бенд, Бадминтонс, Токсиколози, DJ Slave, Пука Козметика, Кирил Џајковски, Телонаука Совршена, Визија, Јаков Дренковски, Легијата, DJ Root Boy, The Hip, SMUT, Тотално Опуштање и други, а најнови на листата се и Новиот почеток и Коноп.

Сé од инфо, на следните линкови:

• како ќе изгледаат овогодинешните награди

• Кој ќе се качи на школка

• Кој се ќе добие награда 

• Големо изненадување за фудбалските души

• водители се…

• Македонски Алтернативен Ценовник, ракии 3 за 100, пиво 0.5 70-че, коњак и водка пеевче и слично

Во соработка со Бла Бла ТВ.