Манџи ли се, свастики ли се?

И додека Јапонија се спрема за Олимписките игри во Токио во 2020-тата и пречекува сé поголем прилив на странски туристи, земјата се наоѓа пред културна дилема: треба ли да запре да ги идентификува будистичките храмови на мапите со традиционалните „манџи“ симбол?

„Манџи“ потекнува од древниот Санскрит и означува среќа и просперитет. Хиндусите и Будистите го користат со векови. Сепак, за странските туристи, најмногу за оние од западот, „манџи“ не значи ништо друго освен нацистичкиот симбол „свастика“, па гостите го асоцираат со анти-семитизам и Холокаустот. А всушност, тие што барем нешто знаат за свастиката, е дека е „украдена“ од страна на нацистите, со цел да се промовира чувството дека Нацистичка Германија има древно потекло. Јапонскиот „манџи“, пак, е дури и различен од германскиот кукаст крст – свртен е во правец обратен од движењето на стрелките на часовникот т.е. во спротивен правец од свастиката.

Во минатомесечниот извештај, базиран врз анкета на повеќе од 1.000 странски посетители, владиниот панел предложи свастиката да биде заменета со симбол на трикатна пагода. Тоа е еден од 18-те предложени симболи за поважни објекти и е дел од кампањата за „пријателски“ прилагодени мапи за иминентната навала на туристи (лани, бројката на посетители порасна за цели 40%). Финалната одлука се очекува да биде донесена кон крајот на март. Јапонската главна будистичка груба е безмалку нон-шалантна, затоа што промената не се однесува на мапите за домашна употреба и нема да ја промени перцепцијата што Јапонците ја имаат кон симболот. Од друга страна, јавното мислење е прилично поделено – противниците на идејата аргументираат дека симболот треба да биде зачуван, како начин луѓето да го научат вистинското значење и древната историја зад „кукастиот крст“.