Имајќи ја во предвид огромната популарност на „Фејсбук“, не е ни чудно што 31-годишниот Марк Закерберг веќе е шестиот најбогат човек на планетата. Неговото богатство се проценува на 47 милијарди долари, соопштува Bloomberg.
Неодамна Facebook објави најдобри финансиски резултати за последното тримесечје на 2015 година кои доведоа до 13 проценти скок на акциите на компанијата. Богатството на Закерберг е главно во акции на Facebook, затоа и истото се зголемило за 1,2 милијарди долари во рок од една година.
Технолошкиот гигант ги престигна нафтените магнати Чарлс и Дејвид Кох во рангирањето. Нивната состојба се намали во последниве месеци поради крахот во цените на “црното злато”.
Најбогатиот човек на светот продолжува да биде Бил Гејтс со 78 милијарди долари. На второ место е Шпанецот Амансио Ортега со 70 милијарди долари, а трет е Ворен Бафет со 59 милијарди долари, покажуваат податоците на Bloomberg.
Четвртата позиција ја зазеде шефот на Amazon Џеф Безос (52 милијарди долари), а петтата – од Мексиканецот Карлос Слим (48 милијарди. Долари).
