Ароматичен десерт за целото семејство.
За 4 лица:
2 големи јаболка (околу 500 г.)
100 г. кокос
75 г. шеќер
3 лажици сок од лимон
белка од јајце
80 мл. чоколаден прелив
4 топчиња сладолед од ванила
Подготовка:
Измијте ги јаболките, со специјално ноже издлабнете ја средината, секоја исечете ја на шест дебели кругови, прелејте со две лажички лимонов сок и наредете ги во подмачкан огноотпорен сад.
Со миксер изматете цврст снег од белки, постепено додавајте шеќер и матете уште две-три минути. Додадете лажичка сок од лимон, кокос и помешајте добро.
На секоја од јаболките ставете по две лажици од смесата од кокос и печете во рерна загреана на 180 степени околу 15 минути. Млаките јаболки сервирајте ги со топка сладолед од ванила прелеана со чоколадо.
