Рецепт за највкусна посна бајадера.
Состојки:
1 кг шеќер
300 гр маргарин
300 гр печени и мелени кикирики (може и со ореви)
500 грама мелени посни бисквити
200 грама чоколадо за готвење
30 лажици вода
Подготовка:
Растопете го шеќерот со 30 лажици вода, па додадете 250 гр. маргарин, кикирики и бисквити, па сето тоа добро измешајте го.
Смесата поделете ја на два еднакви дела. Во едниот дел ставете 100 грама стопена чоколада, а другиот оставете го каков што е.
Во тава подмачкана со маргарин или обложена со фолија се става прво потемниот дел, се измазнува, па потоа се става посветлиот фил и на крај се прелева со чоколадна глазура.
За глазурата е потребно 50 грама маргарин истопен со 100 грама чоколадо, но внимавајте да не ви зоврие.
Глазурата нанесете ја врз бајадерата и оставете ја да се стврдне во фрижидер.
