Надин, Алис и Фарах Абдел Азиз поради својот гламурозен начин на живот и чувство за мода се прогласени за либански одговор на сестрите Кардашијан.
А сега, баш како Ким, Кортни и Клои, овие сестри ќе имаат свое реално ТВ шоу кое ќе го прикажува нивниот секојдневен живот во Бејрут.
Либанската телевизија „LBC“ најави дека наскоро ќе почне да го прикажува ТВ шоуто „Сестри“, а камерите ќе ги следат овие три уабвици секаде.
Тие три се познати во својата земја благодарение на нивните Инстаграм профили и блогот „Style in Beirut“, кој го започнале во 2013 година. Тие сега на Инстаграм имаат преку 100.000 следбеници и секојдневно објавуваат импресивни слики кога се во прашање стилот и модните трендови.
Тие три, исто како и сестрите Кардашијан, имаат долги, темни и сјајни коси и сакаат да носат раскошна облека од познати дизајнери. Исто така, сакаат да се фотографираат и да ги објавуваат сликите на Инстаграм.
Како и Ким Кардашијан, средната сестра Надин е веќе позната и затоа е одговорна за лансирање на ова реално шоу. Таа е модел за една агенција од Дубаи, а била во финалето на светскиот избор за Мис Туризам 2012 година. Таа зборува четири јазици, вклучувајќи руски и арапски и сака да чита, плива и патува. Моментално е многу популарна во Либан.
Најстарата сестра Алис е најшколуваната во семејството која дипломирала маркетинг во 2009 година на Либанско-америкаански универзитет. Таа го основала и го води модниот блог на своите сестри, а исто така работи и како консултант.
Најмладата сестра Фара, позната како Фафи, исто така поседува диплома по менаџмент од униварзитетот Свети Јосиф во Бејрут, а работела во банка.
Сите три сестри и самите се големи обожаватели на сестрите Кардашијан и би сакале како и тие да достигнат светска популарност преку своето реално шоу, кое премиерно ќе почне да се прикажува при крајот на месецот.
