На Linux евентот во Бостон, HGST филијалата на компанијата Western Digital го презентираше својот хард диск со капацитет од 10TB.
За сега, хард дискот, наречен „10TB SMR HelioSeal HDD“, е наменет само за бизнис корисниците. Меѓутоа, во иднина е многу веројатно некој од неговите наследници да се најде и во вашиот десктоп компјутер, барем ако корисниците и натаму продолжат да користат хард дискови наместо новите SSD модели.
Инаку, 10TB SMR HelioSeal HDD работи на принцип на SMR (Shingled Magnetic Recording) технологија, која му ја зголемува густината, а со тоа овозможува и складирање на повеќе податоци. Дискот е запечатен и исполнет со хелиумски гас – оттаму и ознаката „HelioSeal“ во називот.
Цената не е објавена, а се очекува хард дискот да се појави во продажба во текот на второто тромесечје од 2015-та.
